‘n Joernalis?

Meeste mense is baie nuuskierig oor wat ek nou eintlik vir ‘n lewe doen. So vir bietjie agtergrond: Ek het in 2001 by Kovsies begin met ‘n B.A. in Mediastudies, daarna het ek ‘n honneursgraad in korporatiewe kommunikasie gedoen voor ek vir ‘n jaar of wat vir een van dosente gaan werk het in marknavorsing. Baie geleer maar heng, ek was verveeld…

Ek was gelukkig genoeg om deur my kerk met ‘n oud-Springbokrugbyspeler met die naam Friedrich Lombard vriende te raak. Freek het ‘n sportkoerant wat skolesport in Bloemfontein gedek het, begin en ek het die redaksionele kant vir hom behartig.

Na so ‘n jaar en ‘n half hiervan het ek geskuif na Volksblad waar ek oor amper vier jaar se tyd ‘n subredakteur, nuus- en sportverslaggewer en webredakteur was. Dit was as webredakteur van Volksblad wat ek werklik ‘n passie ontwikkel het vir digitale joernalistiek, ek was totaal in my element.

Ek wou vir jare lank na Kaapstad verhuis maar die regte geleentheid het nie opgeduik nie en die tydsberekening was nooit heeltemal reg nie. Na omtrent ‘n jaar by Volksblad het die tydskrif Finesse my ‘n pos aangebied as artikelredakteur. Ek het dit nie aanvaar nie omdat ek in daardie stadium nie uit Bloemfontein wou skuif nie. Vir lank het ek gewonder of dit dalk ‘n fout was.

Wel, nou weet ek dit was nie. Na amper tien jaar in Bloemfontein is ek ‘n baie goeie werk in Kaapstad aangebied, as webredakteur van Landbouweekblad. Ek is reeds meer as twee jaar by dié publikasie en geniet dit erg baie. Ons is in die gelukkige posisie om gereeld nuwe idees en produkte te toets by lesers en ek leer baie oor die landbou. My kollegas is wonderlik, ek het waardevolle vriende in Kaapstad gemaak, ‘n great kerk gevind en onlangs ‘n lewenslange droom bewaarheid deur my eie woonstel te koop.

Dit is in ‘n neutedop waar my lewe tans staan. Ek het besluit om die blog na ‘n paar jaar se ledigheid weer te laat herleef. Kom ons hoop die skryf is steeds so terapeuties soos dit was toe ek hom begin het. Geniet!

Advertisements

5 Responses

  1. Your blog is interesting!

    Keep up the good work!

  2. eish; ek weet nie wat die stand van sake met koerante se redaksies op hierdie oomblik is tov die afdankings nie, maar sterkte!

  3. Hi Johan

    Dinge lyk bietjie taai maar ek het ten minste die slagting oorleef. Ek wou nog altyd by `n koerant gewerk het maar soos sake nou lyk sal ek dalk ander tipes media moet oorweeg. Net die tyd sal leer.

    Corli

  4. Ek het vandag via Dieknoop op jou webblad(skuus blog) afgekom en sien jy skryf resensies vir die pret. Ek is in ‘n finale stadium met ‘n manuskrip wat ek graag wil poleer voor ek dit uitgewers toe stuur. (Sal betaal daarvoor) Stel jy belang ?

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

%d bloggers like this: