April is `n gekke maand!

Hallo daar

 Ek wil julle nou nie verveel nie maar hier by Volksblad se dagsubkantoor is `n maand met vyf vakansiedae (en een wat volg op 1 Mei) `n gekke maand. Ons span werk weekliks aan sowat 14 gemeenskapskoerante en verskeie bylae vir Volksblad, wat ons werklading nogal indrukwekkend maak. Laas week moes ons dieselfde hoeveelheid werk in twee dae minder klaarmaak. Groot pret!

Maar kyk, die langnaweek was darem maar lekker. Ek was vrek lui. Het rugby gekyk, boek gelees, Xbox gespeel, fliek gekyk en saam met die ouers gekuier. Ek het nie een steek konstruktiewe werk gedoen nie behalwe om darem elke dag vir die ouers kos te maak nie. En dit geniet ek anyway so, dit is meer pret as werk.

Die week is aansienlik rustiger, die chaos sal ons Maandag en Dinsdag weer tref as ons moet opmaak vir Woensdag se verkiesing. Julle ouens beter gaan stem né! Ek gee nie `n hel om vir wie nie (daardie is `n gesprek vir `n ander dag) maar trek daai kruisie. As my vriende in Engeland `n dag verlof kon insit en spesiaal ver treinry om te stem, kan jy die kilometer ry tot by jou plaaslike stemstasie en jóú kruisie trek. Dis `n voorreg waarvoor duisende mense al hulle lewens neergelê het.

Op `n ander noot is ek erg opgewonde oor die IPL wat die naweek begin. Johan de Jager, ons krieketskrywer en `n goeie vriend van my, het my gister ingelig dat die kaartjieverkope nou aan die gang is so ek kan gaan koop vir die wedstryde in Bloemfontein. Die kaartjies is baie goedkoop so ek vra almal van julle wat enigsins belang stel in krieket om die moeite te doen – wys die mense dat ons land werklik `n internasionale sportbyeenkoms met sukses kan aanbied!

Ons was mos die naweek voor Paasnaweek Graaff-Reinet toe vir Rohan en Emmie se troue. Em is nou terug van die honeymoon af en blosend gelukkig. Hier is een van hulle kiekies, die twee het albei pragtig gelyk! Ek wens julle al die geluk in die wêreld toe hoor, julle is wonderlike mense!

Die twee duifies het op 4 April op Graaff-Reinet getrou.

Die twee duifies het op 4 April op Graaff-Reinet getrou.

So, ek het besluit dat ek `n sportbegroting moet saamstel vir die volgende paar maande. Op `n joernalis se salaris kan jy ongelukkig nie net koop en partikuleer soos jy wil nie, jy moet BEGROOT.

Op die lysie is:

Kaartjies vir die IPL-wedstryde in Bloemfontein;
Kaartjies vir die Britse Leeus se wedstryde teen die Cheetahs;
Kaartjies vir die toets tussen die All Blacks en die Springbokke;
Kaartjies vir die Confederations Cup se wedstryde.
Julle kan seker sien hoekom ek sal moet begroot, né!

Dan moet ek seker nou nederig erken dat Boendoe my een voor was met die Cheetahs se wedstryd teen die Sharks. Sorry Boendoe… Ek het wragtig nie gedink hulle sal iets kan regkry nie en soos sport maar is, is ek heeltemal verkeerd bewys! Wys jou maar net, sport is `n snaakse ding…

Nou ja, ek is seker daar lê `n lekker naweek voor, hy is net soveel lekkerder aangesien die vorige een skaars verby is. Ek probeer op die oomblik dink aan iets wat ek vir my ma vir Moedersdag kan doen. Enige idees?

Groete van blog tot blog 😉

C.

Advertisements

One Response

  1. Hiehie…koop en partikuleer, seg jy! 😆

    Moenie sleg voel oor ons ou spannetjie nie. My kop het ook maar gese hulle gaan ver verloor, maar ek het aan my bene GEVOEL hulle gaan wen. 😉

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

%d bloggers like this: