Pase en hase

Hallo daar

So, hier is ons op die vooraand (oggend?) van `n lekker langnaweek waarvoor ek lank gewag het. En hard gewerk het. Anders as baie ander besighede stop hierdie lorrie nie vir vakansiedae nie – die koerante moet steeds uit! So waar my span elke week aan 14 gemeenskapskoerante en verskeie Volksblad-bylaes werk van Maandag tot Vrydag moes ons van Maandag tot Donderdag twee dae se werk inwerk om plek te maak vir die ruskans. Wilder as die wildtuin.

Verder het ek laas naweek `n fees op Graaff-Reinnet saam met my vriende gehad. Emmie en Rohan se troue was werklik baie lekker, al wat sleg was daarvan is dat die twee so ver bly. Ek wens ek kon hulle meer sien maar ongelukkig werk die lewe nie so dat jy naby al jou dierbares kan wees nie. Baie geluk julle, julle is werklik wonderlike mense!

Ek het gisteraand weer `n bietjie eksperimentele kookkuns op my arme ma toegepas. Shame, sy moet ook maar vasbyt. Oor die algemeen maak ek lekker kos (if I may say so myself) maar om nuwe resepte te probeer is maar altyd `n bietjie van waagstuk. Op die spyskaart was roasted hoender, slaai en `n butternut en eiervrug kombinasie, ook roasted. En laasgenoemde was die probleem. Ek het nog nooit eiervrug gemaak nie en nou besef ek dis `n goeie ding. Dis beslis nie vir my nie! My ma het die butternut tussen die eiervrug uitgeëet. Hehe…

Ek lees vanoggend op News24 dat daar nog meer verwikkelinge is met die bandwydte verbetering wat deur middel van ondergrondse kabels aangebring word. Een van die dae sal ons Internet aansienlik vinniger wees. En wat `n wonderlike dag sal dit nie wees nie! As ek net dink watter verskil dit in my werk sal maak, raak ek sommer opgewonde.

`n Update oor `n vorige post. Een van ons mense het vanoggend vir Janke en Leanné, Elma se kinders, gesien. Dit lyk asof dit baie goed gaan met die twee. Leanné sukkel nog `n bietjie met haar been en Janke het `n bietjie ekstra werk om te doen om weer op dieselfde vlak te kom soos voor die ongeluk maar behalwe daarvoor gaan dit glo goed. Ek is baie bly, die twee kinders is so baie in my gedagtes.

Verder wonder ek hoe ver die Cheetahs die naweek teen die Sharks gaan verloor. En of ek van sjokolade gaan kan wegbly oor Paasnaweek. En of die DA nou werklik die antwoord is om die ANC van `n tweederde meerderheid in die regering te weerhou. En wat die Blou Bulle gaan maak met hul groot bul wat hulle voor Loftus moet verwyder tot na die Wêreldbeker. En so aan…

Wel, vrede en liefde vir julle almal. Ek het so tien boeke, my Xbox en `n hoop DVDs ingepak vir die naweek op Ladybrand. Tussen-in is dit kuier saam met die ouers, speel met die honde, rugby kyk, slaap en op die Internet rondspeel met my pa se ADSL. Wat kan nou beter!

Veilig ry en lekker rus julle
C.

Advertisements

4 Responses

  1. Haai, nee! Dink jy die Cheetahs gaan verloor? 😯

    Vrede en liefde vir jou ook, Corli. 😉

  2. Julle moet maar ‘n haas uit die hoed trek om die koerante vol te kry! Die enigste probleem is met ‘n vinniger internet – soos ek S.A. ken gaan dit duurder wees.
    Geniet jou langnaweek.

  3. Ek’t jou mos gese die Cheetahs gaan wen… :mrgreen:

  4. Sorry, sorry…jy was reg!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

%d bloggers like this: